Madamo ang natandog nga balatyagon sa mga litrato nga ginpakigbahin sang isa ka manunudlo kun diin nagahilibion ang isa ka proud nga amay sa Moving Up Ceremony sang iya bata sa Junior High School.
Suno sa manunudlo nga si Daphnee Jean Ramos Tagala sang San Nicolas National High School-Main Campus, “physically impaired” ang amay apang nagabulad ini sa init kag ulan samtang nagalibod sang ice cream kag may iban pa ini nga mga sideline.
“I often see him driving his kurong-kurong but today, I saw him with his nicest shirt on, paired with his pants and shoes, so proud and elated because he is one of the proud parents clapping for the success of her child. Manong is physically impaired, but he made sure to attend this extra happening in their family,” paglaragway ni Tagala.
Sang ginahiwat ang seremonya, ginhatagan sang estudyante sang bulak ang iya amay kag didto na wala mapunggan nga mag-wawaw sang mag-amay.
Isa ini ka istorya sang pagkamadinalag-on sang isa ka estudyante kag sang sakripisyo sang ginikanan para malambut ang kadalag-an sang iya bata.
