Ginabuligan na sang gobyerno ang lima ka mga Overseas Filipino Workers (OFWs) nga gin aresto kag ginpriso sa United Arab Emirates (UAE) bangud sang Tiktok.
Suno kay Department of Migrant Workers secretary Toots Ople, may “case number” na ang kaso kag ginahulat na lamang ang schedule sang hearing.
Gin aresto kag ginpasakaan sang kaso ang lima ka mga Filipina sa Sharjah, United Arab Emirates (UAE), bangud sang Tiktok video nga ila gin post sa social media.
Base sa report, nag post sang video ang mga Overseas Filipino Workers (OFWs) sang ila kasadyahan sang Marso 12, 2023 nga nagresulta sang ila pagkabilanggo.
Nakasaad sa cybercrime law sang UAE nga magabayad sang multa okon mapriso sang lima ka tuig ang sin-o man nga mapamatud-an, nga nagalapas sang laye sa UAE.
Istrikto nga ginapatuman sa nasambit nga lugar ang cybercrime law, gani dapat nga respetuhon sang mga Filipino ang laye. “Ang UAE ay mahigpit na nagpapatupad ng cyberlaw nito at napakasensitibo rin sa mga aksyon laban sa kanilang mga kaugalian at moralidad. Iba ang kultura nila, so we have to be very, very respectful,” pahayag ni Toots Ople.*
