Isa ka bigtime price hike ang ipatuman sang mga oil companies sa presyo sang krudo kag gasolina sini nga semana.
Suno sa mga kumpaniya sang langis, magasaka sang masobra P2.50 kada litro ang presyo sang gasolina, sa Martes, Abril 11.
Magasaka naman sa masobra P1.50 kada litro ang presyo sang krudo kag kerosene.
Buwas nga adlaw, Lunes, e anunsyo na sang mga kompanya sang langis ang ipatuman nga price adjustments sa mga nagkalain lain nga “gas stations” sa bilog nga Pilipinas.
Ipatuman naman ang price adjustments sa adlaw sang Martes.
Sang tinalikdan nga semana, gin anunsyo sang Saudi Arabia kag iban pa nga OPEC + oil producers, nga panubuan ang ila “output” sa 1.16 million barrels.
Bangud sini, maganubo ang suplay sang langis worldwide, nga nagresulta sa pagsaka sang presyo sini sa international market.
