NEGROS OCCIDENTAL– Magapangatubang sa kaso nga direct assault ang duha ka mga lalaki nga imbolbado sa nagluntad nga aksidente sa Barangay Plaridel sa siudad sang Sagay kahapon, Sabado de Gloria, Abril 8, 2023.
Ginkilala ang mga lalaki nga sanday Venjie Noynay alias “Venjie”, 35-anyos, residente sang Purok Kab-asan, Barangay Rafaela Barrera, Sagay City kag si Fluenth John Erene alias “Dodong”, 33-anyos, residente sang Purok 11, Barangay Poblacion 1, Sagay City.
Base sa imbestigasyon sang kapulisan, sang nagresponde sanday Police Staff Sergeant Ronnie Gamboa kag Police Staff Sergeant Andy Estrada, indi nila ma-kontrol sanday Venjie kag Dodong nga yara sa impluwensya sang makahulubog nga ilimnon.
Gilayon nagbato ang duha ka mga lalaki sa kapulisan matapos ginsaway.
Sang na-kontrol na sang kapulisan ang duha ka mga lalaki, gindala sila sa Sagay City Police Station.
Magapangatubang naman sa kaso nga direct assault, disobedience on a person in authority kag reckless imprudence resulting to multiple homicide, physical injury kag damage to property ang duha ka mga lalaki.*