Sunday, January 29, 2023

5 Pasakaan sang kaso bangud sa ‘misdeclaration’ sang travel history

- Advertisement -

Lima ka persona ang pagapasakaan sang kaso sang Provincial Legal Office (PLO) bangud sa ila mga ‘misdeclarations’ sang travel history.

Sa interview sang Radyo Bandera, ginpahayag ni Provincial Administrator Atty. Rayfrando Diaz nga ginapreparar na ang kaso nga igapasaka sang probinsya batuk sa mga Negrense nga naglapas sa mga health protocols kag nagfalsify sang ila mga dokumento.

Lakip sa mga pasakaan sang kaso ang mag-asawa kag ila nga anak nga taga banwa sang Pontevedra nga nagikan sa United Kingdom kag nagpositibo sa Covid-19, isa ka taga banwa sang Sagay nga nagikan sa Saudi Arabia kag ang taga syudad sang Cadiz nagikan sa Turkey.

- Advertisement -

Suno kay Diaz, makabig nga Returning Overseas Filipinos (ROF) ang mga nagikan sa iban nga pungsod apang nagdeklarar lamang sila nga mga locally stranded individuals (LSIs).

Suno sa provincial administrator, dako nga risgo ang ginadala sang mga ROF sa probinsya bangud sa bag-o nga Covid-19 UK variant nga nagalapta sa iban nga pungsod.

Dugang pa niya, ginapastrikto ni Governor Eugenio Jose Lacson ang pagpatuman sang mga health protocols kag monitoring sa mga nagikan sa iban nga pungsod agud maproteksyunan ang probinsya sa bag-o nga variant sang Covid-19.

Naga-apelar naman si Diaz sa mga pumuluyo nga magsunod sa mga ginapatuman nga protocol sang gobyerno kag likawin gid ang pagbinutig sa ila mga health declarations.

“Ang pagbutig seryoso nga bagay kadamo sang consequence. Magsugid gid sang matuod kag maghalong gid kita,” pahayag ni Diaz.

- Advertisement -

Related Articles

Leave a Reply

Stay Connected

- Advertisement -

Latest Articles