Wednesday, February 8, 2023

Mga kabandera nagpalab-ot sang bulig para sa mga nabahaan sa northern Negros

- Advertisement -

Masobra isa ka truck sang kinarton ka mga used clothings, katorse ka sako sang bugas, P43,580 nga cash kag iban pa nga relief goods ang natipon sang Radyo Bandera pinaagi sa programa nga “Serbisyong Kabandera: Caravan para sa Nabahaan”.

Sa dominggo nga adlaw Enero 17 natalana nga idul ong sang Radyo Bandera kaupod ang mga katapo sang Radyo Bandera Motorcycle Club Incorporated (RBMCI) ang mga ayuda para sa mga apektado sang lapnagon nga pagbaha sa norte nga bahin sang probinsya sang Negros Occidental.

Mangin benebisyaryo sa amo nga programa ang mga residente sang Talisay, Silay, Victorias kag Cadiz.

- Advertisement -

Matandaan nga sadtong Huwebes Enero 14, nagpatigayon ang Radyo Bandera sang caravan agud mangtipon sang mga donasyon sang mga luyag maghatag sang ila nga bulig sa mga nangin apektado sang pagbaha.

Madamo naman ang nagpalab-ot sang bulig sa Barangay Sum-ag, Pahanocoy, Tangub, Handumanan, Mansilingan kag Taculing.

Naglibot man ang caravan sa Barangay Singcang Airport, sa mga kaiping sini nga barangay tubtob Barangay Banago, Bata, Mandalagan, Villamonte, Estefania kag Granada.

Pila sa mga donors sakay sa motorsiklo kag tricycle ang naglagas pa sa team sang Radyo Bandera agud mapalab ot ang ila nga bulig.

Wala sang gamay kag madiutay nga bulig ang nalikop sang team nga halin naman sa Southern Negros.

Ginsabat man sang mga taga banwa sang Isabela, Binalbagan, La Castellana kag siudad sang Kabankalan ang panawagan nga magpabutyag sang ila nga kaalwan sa mga nangin biktima sang pagbaha sa norte nga bahin sang probinsya.

Ang stroke patient nga si Levi Tacda sang siudad sang Himamaylan, bisan ginasudsod ang mga tiil sa paglakat nagtabok sa highway para lang mapalab ot ang sinuptan nga P1,000 nga ibulig sa mga nabahaan.

Ang grupo kag pamilya ni school principal Warlito Rosareal upod sa Bacolod City National High School teachers ang nagpadulong man sa siudad sang Silay para mapalab-ot sa kapin 100 nga pamilya ang ginalon nga water supply kag mga relief goods.

Upod sa mga donors, ang Radyo Bandera ang wala sang may ginapaabot nga kabaylo magluwas sa mga yuhom kag alibyo sa ginabatyag nga kabudlayan sang mga pamilya nga nahalitan sang baha sa Northern Negros.

Madamo gid nga salamat sa inyo nga kaalwan, mga kabandera!

“A cheerful giver lives longer.” -RYU Foundation Inc.

with reports from Nico Delfin

- Advertisement -

Related Articles

Leave a Reply

Stay Connected

- Advertisement -

Latest Articles