CHILE– Ginapatihan sang mga siyentipiko nga ang 5,000 ka tuig nga puno sa Chile ang mangin yabi sa pagtukib sang mga sekreto sa kalibutan kag ginkilala ini bilang pinakatigulang nga puno.
Suno sa Agence France-Presse, nahibalu-an nga ang puno sa Chile ukon “Great Grandfather” ang pinakatigulang nga puno kun ikumparar sa 4,850 ka tuig nga “Methuselah Tree” sa California, United States.
Ang Great Grandfather ang may kataason nga 28 ka metros kag apat ka diametros ang kalaparon, suno sa AFP.
Dugang pa, ginapatihan nga makahatag sang siyentipiko nga impormasyon ang nasambit nga puno.*