BACOLOD CITY– Ginpanginbulahan ni Governor Eugenio Jose Lacson ang Task Group Panaad sa Negros Festival 2023 sa ginpatigayon nga termination kaina sang aga, Abril 24.
Ginpatigayon ini sa Panaad Park Stage sa Barangay Mansilingan, Bacolod City.
Suno sang Gobernador, dako ang nangin papel sang mga kapulisan para sa pag-kontrol sang mga bisita kag dumuluong, pag sigurado nga mangin malinong kag matawhay ang bilog nga semana sang selebrasyon.
Ginpasalamatan man sang Gobernador ang tanan nga mga kapulisan sang Negros Occidental Police Provincial Office (NOCPPO) sa pagpanguna ni PCol. Leo Pamittan, mga katapo sang Bureau of Fire Protection -Special Rescue Unit sa ila dedikasyon kag pasensya para ma-maintain lamang ang peace and order sa sulod kag guwa sang Panaad Park apisar sang kapaang kag kainit sang panahon.
Dugang pa sang Gobernador indi mangin madinalag-on ang pagbalik sang Panaad sa Negros Festival kun wala ang bulig sang mga ini.*
