Nangin madinalag-on ang ginpatigayon nga pig heart transplant sa isa ka 58-anyos nga lalaki sa Maryland.
Ini ang ikaduha nga tion sa bug-os nga kalibutan nga nagpatigayon sang pig heart transplant sa unibersidad sang Maryland School of Medicine.
Si Lawrence Faucette, isa ka beterano nga navy ang ikaduha nga pasyente nga nakabaton sang pig heart transplant bangud sa indi pwede ini pwede mapaidalom sa tradisyunal nga heart transplant.
Apisar nga nakahibalo si Faucette sa gindangatan sang nauna nga pasyente nga nagpaidalom sa pig heart transplant, ginpadayon niya ini sa gihapon bangud ini lamang ang pamaagi agud madugangan ang iya nga kabuhi.
Suno sa mga doktor sang University of Maryland Medicine, ginatawag nga “xenotransplantation” ang nasambit nga pamaagi sang pag-transplant sang isa ka organ sang sapat sa tawo, nga isa ka solusyon sa kakulangan sang human organ donations.
Isa sa pinakadako nga paghangkat sa mga doktor kag pasyente ang xenotransplants bangud sa gina-atake sang immune system sang pasyente ang isa ka organ gikan sa sapat.
Samtang, ginabulubanta naman nga yara sa masobra 100,000 ka mga Amerikano ang yara sa waiting lists para sa nasambit nga organ transplant.*
