Nasampay ang isa ka patay nga sperm whale sa higad sang baybayon sa Barangay Cartagena, siudad sang Sipalay kahapon nga adlaw, Sabado, Setyembre 23, 2023.
Ginbuligan sang mga tawo ang sperm whale nga ibalik sa dagat sa paglaum nga maka-survive pa ini apisar nga nakaangkon ini sang madamo nga pilas sa lawas.
Apang, pagkahapon sa pareho nga adlaw, nakit-an naman sa higad sang baybay sa nasambit nga lugar ang sperm whale nga wala na sang kabuhi.
Suno sa Sipalay City Rescue and Environmental Officers, ginbawian sang kabuhi ang sperm whale bangud sa naangkon sini nga madamo nga pilas sa lawas.
Ginlubong ang sperm whale sa higad sang baybay kun sa diin ini nakit-an.
Ang sperm whale ang ginakabig nga “largest toothed whale” kag masami ini nga nagakaon sang pasayan, kasag, kag lukos.*