Iga-paidalum sa apat ka adlaw nga lockdown ang anum ka mga barangay sa Manila sumugod Miyerkules tubtob Sabado bilang precautionary measures agud matapna ang paglapta sang coronavirus disease (COVID-19) pandemic.
Ginpirmahan ni Mayor Francisco “Isko Moreno” Domagoso ang Executive Order No. 7 nga nagadeklarar sang barangays ukon parte sang ciudad nga makabig critical zones bilang “zoning containment strategy” agud makahatag sang madasig kag nagakaigo nga response agud ma-contain ang pagsaka liwat sang COVID-19.
“I have signed 6 a.m. this morning a new Executive Order declaring the following barangays: 185 Zone 16 in Tondo, 374 Zone 38 in Sta. Cruz, 521 Zone 52 in Sampaloc, 628 Zone 63 in Sta. Mesa, 675 Zone 74 in Paco, and 847 Zone 92 in Pandacan, sila po ay mapapasailalim sa (they will be placed under) lockdown ,” pahayag sang alkalde.
Samtang gina-lockdown ang mga barangays, ini ang magahatag sa utoridad sang tion agud magpatigayon sang disease surveillance, massive contact tracing, verification ukon testing, kag rapid risk assessment.*
