Gindala sa ospital ang anum ka magkapamilya matapos magkaon sang pamahaw nga itlog nga pula sa Pangasinan.
Ginkilala ang mga biktima nga sanday Charimaine, 28-anyos; Katrina, 24; Christian, 17; kag Dolores Untalan, 54; Kaupod sanday Diether Antonio, 12 kag Mark Catipon, 32 sang Barangay Carayacan, San Quintin.
Suno sa isa ka himata, naglain ang pamatyag sang mga biktima nga nagsakit ang tyan kag nagsuka, isa ka oras matapos nagkaon sang itlog nga pula.
Nabakal sang pamilya ang itlog sa tindahan nga suno sa tindera, naghalin pa sa Nueva Ecija.
Base sa resulta sang test sang mga biktima, positibo sa salmonella bacteria ang itlog nga nangin kabangdanan sang food poisoning sang mga biktima.
Suno sa pamilya, wala sila sang plano nga magpasaka sang kaso batok sa tindera.
Paandam naman sang mga otoridad, maghalong kag seguradohon nga tinlo ang mga gamit sa paghanda sang pagkaon bangud nagadamo ang insidente sang food poisoning kada tig-ilinit.
