Naga-utaw utaw kag wala na nagagiyo sang masapwan sang amay ang iya 6 ka tuig nga bata nga lalake sa suba kahapon nga adlaw sa Sitio Overflow, Barangay Hilamonan, Kabankalan.
Base sa inisyal nga imbestigasyon, wala natalupangdan sang iloy nga naglakat ang iya anak nga lalaki kaupod ang mga abyan sini nga menor de edad sa suba nga nahamtang sa Sitio Overflow agud magpaligo.
Takna alas 10:00 sang aga, nagkabalaka na ang amay sang bata kag nagdesisyon nga magpadulong sa suba agud pangitaon ang iya nga bata.
Apang, iya nalang ini nakita nga naga utaw-utaw na sa suba kag wala na nagagiyo.
Ginhingagaw pa dala ang bata sa Lorenzo Zayco District Hospital apang gindeklarar ini nga dead on arrival sang attending physician.
Gindala ang bangkay sang bata sa Sola Funeral Homes para sa Post Mortem Examination.
