Wala sang nagpamatuk!
Pabor ang House of Representatives nga ipaidalum sa 60 days suspension si Negros Oriental Representative Arnolfo Teves Jr.
Miyerkules sang gab-i, ginpatigayon ang “nominal voting” sa Kongreso , sa diin 292 ka mga kongresista ang nagpabor sang suspensyon ni Teves kag wala sang bisan isa ka kongresista nga nagpamatuk.
Suno sa Kongreso, napaslawan si Teves nga mag report sa iya trabaho, apisar sang tanan nga komunikasyon, memorandums kag mandu gikan sa House of Representatives.
Sang tinalikdan nga Marso 9, nag expire ang travel clearance nga ginhatag kay Teves.
Kasunod sini, ginpanawagan ni House speaker Martin Romualdez sa kongesista nga mag report na sa trabaho si Congressman Teves.
Ginhingadlan si Teves bilang mastermind sa pagpatay kay Negros Oriental Governor Roel Degamo sang tinalikdan nga Marso 4, apisar nga yara sa abroad sang magluntad ang kremin.
Mismo ang mga nadakpan kag nag surrender nga mga suspetsado ang nagtumod sa kongresista nga utok sa pagpatay sa gobernador.
