Mangin “affordable” na ang balayran sa mga driving schools, sumugod sa Abril 15, sini nga tuig.
Miyerkules nga adlaw, gin anunsyo sang Land Transportation Office (LTO) nga ipatuman ang “price cap” sa mga “courses” nga kuhaon sang mga naga apply sang “Driver’s License” sa LTO.
Nakasaad sa Omnibus guidelines on the accreditation, supervision and control of driving institutions, and the standardization of driver and conductor’s education, sang LTO, mangin P1,000 na lamang ang maximum prescribed rate para sa 15-hour theoretical driving course (TDC).
Para sa walo (8) ka oras nga practical driving course (PDC) mahimo lamang nga magbayad para sa masunod nga mga salakyan:
Motorcycles – P2,500
Light vehicles (cars) – P4,000
Heavy vehicles (trucks and buses) – P8,000
Kapin sa 50 porsyento ang dapat nga inubo sa “driving school fees” okon balayran sa mga driving schools, base sa nakasaad sa bag-o nga omnibus guidelines.
Ginbulgar ni LTO chief Jose Arturo Tugade, nga may mga driving schools sa Pilipinas nga nagapanukot sang P20,000, sa mga naga apply sang driver’s license sa LTO.
Yari ang multa para sa mga nagalapas sa guidelines:
First offense – P50,000 and suspension for six months
Second offense- P100,000 and suspended for a year
Third offense- school’s accreditation will be revoked
Sa idalum sang bag-o nga guidelines okon pagsulundan, gikan sa tatlo ka adlaw,ginpanubuan na lamang sa duha ka adlaw sang LTO ang required number of days para sa mga aplikante, agud
makumpleto ang mandatory 15 hour nga theoretical driving course (TDC). Pito ka oras sa una nga adlaw kag walo ka oras sa masunod nga adlaw, sa sulod sang isa ka bulan.
