LA CASTELLANA – Gindakop sang kapulisan ang duha ka mga lalaki nga nagabulang sa Sitio Canopoy, Brgy. Mansalanao, banwa sang La Castellana kaina las-10:30 sang aga sini nga Domingo, Pebrero 12.
Ginkilala ang mga suspetsado nga sanday Giovanie Ybera, 63-anyos kag si Jose Silva, 49-anyos nga laborer; lunsay mga residente sang nasambit nga barangay.
Base sa report sang La Castellana Municipal Police Station, nadakpan ang duha nga nagapartisipar sa iligal nga bulang.
Nakumpiskar sa duha ang ila pusta nga duha ka tig-P500, isa ka patay nga manok pangbulang, isa ka buhi apang pilason nga manok pangbulang, kag duha pa ka buhi nga mga manok pangbulang.
Gindala ang duha sa nasambit nga police station kag nagapang-atubang ang mga ini sang kaso sa paglapas sa Presidential Decree No. 449 ukon ang “Cockfighting Law of 1974”.
