64 ka Negrosanon nga na stranded sa Cebu nagapangayo sang bulig nga makapauli sa Negros!

Stranded sa karon ang kapin 64 ka negrosanon kag nagapangayo sang bulig nga makapauli sa Negros.

Sa live interview sang Radyo Bandera kay Edlen Delfin, isa ka trabahante sa JPark Resort sa Lapu-Lapu City, kompleto sila sa dokumento kag luyag nagid nga magpauli apang ginabalabagan ini sang probinsya bangod nagpaguwa sang memorandum si Governor Bong Lacson nga indi anay makasulod sa probinsya ang halin sa Cebu.

Sa 64 sa ila, ini ang ginalakipan sang:

• 17 nga taga Bacolod
• 24 nga taga Talisay
• 3 nga taga Victorias
• 15 nga taga Hinigaran
• 3 nga taga Silay
• 1 nga taga Sarabia
• 1 nga taga Escalante

Dugang pa ni Delfin, nga nagahigda nalang sila sa dalan kag trapal ang ginhimo nila nga atop-atop kag nagalaum kuntani nga sila ang mabuligan kag madayon nga makapauli sa isla sang Negros.

by: Coolen Cubia