Nabawian sang kabuhi ang pito ka tuig nga bata sa Kuwait matapos nga nagkaon sang “fried chicken” nga gin order online.
Ginkilala ang bata nga si Zara Louise Lano.
Nabawian sang kabuhi ang bata sang tinalikdan nga Marso 21.
Suno sa amay sang pamilya nga si Dax Lano, nagmuno na sila nga indi maayo ang sabor sang ila gin order nga fried chicken kag gin untat na nila ang pagkaon sini , apang naglain ang ila pamatyag.
Matapos ang pila ka oras, gindala na sa ospital ang bilog nga miyembro sang pamilya.
Suno sa amay sang pamilya nga si Dax, una nga gin discharge ang iya asawa kag anak nga pito ka tuig nga si Zara bangud nangin normal man ang ila mga vital signs.
Nagpabilin naman sa ospital ang kinamagulangan nga anak nga si Sigfried subong man si Dax.
Apang sa pareho man nga adlaw, liwat nga naglain ang pamatyag ni Zara kag Faye nga nag eksperyensya sang LBM kag paglingin sang ulo dala ang pagpalanuka.
Ginbalik sa ospital ang mag-iloy kag gin confine sa intensive care unit , apang ang pito ka tuig nga si Zara ang gin pronounced nga dead on arrival.
Nakasaad sa death certificate sang Filipina nga bata, nabawian ini sang kabuhi bangud sang “acute failure of blood circulation and respiration kag septic shock.
Ginbalik na sa Pilipinas ang bangkay sang bata kag ginpaidalum sa autopsy.
Nagapanawagan sang hustisya ang pamilya.
Kon mapamatud-an nga nabawian sang kabuhi ang bata bangud sang “food poisoning”, handa ang pamilya nga magpasaka sang kaso sa “food chain” kag sa ospital nga naghatag sang sala nga diagnosis.
Ginlubong na ang bata sa San Jose Del Monte sa Bulacan.
Ginahulat pa nga mag isyu sang statement ang Department of Foreign Affairs angut sa isyu.
by: Sunshine Lacson
