7-anyos nga babaye patay matapos ginhimuslan sang iya amay

Nasapwan nga wala na sang kabuhi ang 7-anyos nga bata nga babaye sang gintinguhaan ini nga pukawon sang iya magulang agud magpreparar para magsulod sa eskwelahan sa Concepcion, Iloilo.

Apang wala na ini nabugtaw rason nga ginhingagaw ini dala sa ospital kag didto na gindeklarar nga dead on arrival.

Suno sa imbestigasyon sang mga kapulisan, yara sa impluwensya sang makahulubog nga ilimnon ang suspek sang nasal-an sini ang biktima nga iya asawa sang magluntad ang kremin.

Gin-ako naman sang suspek ang iya ginhimo nga kremin kag magapang-atubang ini sa kaso nga rape kag homicide.*