DAVAO– Patay ang isa ka atleta sa ginpatigayon nga Ironman 70.3 sa Azuela Cove, Davao kahapon, Domingo, Marso 26, suno sa organizers sang event.
Nagluntad ang insidente samtang nagalangoy ang atleta.
Gilayon naman gindala ini sa pinakamalapit nga ospital kag gintinguha-an bulungon apang wala ini nakaluwas sa katalagman.
Nagapangayo naman sang simpatiya ang organization sa pagkapatay sang atleta.
Kapin 1,700 ka mga atleta humalin sa nagkalain-lain nga mga pungsod ang nagpartisipar sa 1.9 ka kilometros nga paglangoy, 90 ka kilometros nga pagbisikleta kag 21 ka kilometros nga pagdalagan.
Sa ulihi, ginkilala bilang mga kampeon sanday Felipe Azevedo sang Portugal kag Sarah Crowley sang Australia.*