Gin aresto na ang pito tanan ka mga prison officers, matapos maakusahan nga naghimulos sa isa ka babaye sa Hongkong.
Suno sa mga kapulisan, naga edad pa lamang sang 23 tubtub 38 anyos ang pito ka mga suspetsado nga gin aresto sang Hulyo 11 kag 12.
Lunsay nagatrabaho bilang gwardya sa prisohan okon sa Correctional Services Department ang pito ka mga suspek kag suspendido na sa trabaho.
Hulyo 9 nagpadulong sa pulis ang 31 anyos nga babaye kag gin report nga ginhimuslan siya sa Tsim Sha Tsui district sa Hongkong.
Base sa alegasyon, isa ang biktima sa mga bisita sa party nga ginpatigayon sa isa ka apartment, nga gintambungan man sang pito ka mga suspeks.
Gin-aku sang biktima nga nahubog siya sa party kag nagsululuka antis siya ginhimuslan.
Base man sa report, tatlo ka mga lalaki ang naghimulos sa babaye samtang ang apat naga “masturbate” samtang nagalantaw sa kremin.*
