Patay ang isa ka tuig kag isa ka bulan nga bata matapos mabungguan sang salakyan nga ginamaneho sang iya kaugalingon nga iloy sa Arizona, USA.
Base sa report sang NBC News, yara na ang mag-iloy sa driveway sa ila balay sang magluntad ang insidente.
Suno sa iloy, ginpaminsar sini nga nabutang sini ang bata sa “safe distance” antes sang aksidente.
“The front tire caught the canopy of the car seat, causing it to fall backward which led to the infant suffering critical injuries,” pahayag sang mga otoridad.
Ginhingagaw pa dala sa ospital ang biktima apang ginbawian ini sang kabuhi.
Nagapadayon naman ang imbestigasyon sang kapulisan.
“Despite their [medical personnel] heroic efforts, the child was pronounced deceased at the Verde Valley Medical Center,” dugang pa sang kapulisan.
