TRECE MARTIRES, CAVITE– Patay na sang masapwan ang pito ka tuig nga babayi matapos gin-alegar ginhimuslan kag ginkuga sang iya maninoy sa isa ka creek sang Barangay Cabuco, Trece Martires, Cavite, suno sa 24 Oras.
Suno sa Trece Martires Police Station, ginkilala ang suspek kay John Paul Baluyot, isa ka construction worker.
Magapabulig kuntani ang suspek sa pito ka tuig nga bata nga pangitaon ang iya anay nobya sa creek.
Nahibalu-an nga nakainom sang makahulubog nga ilimnon ang suspek kaupod ang amay sang bata antes nagluntad ang krimen.
“Dinala po niya sa kawayanan yung bata at doon niya po hinalay. Nung nakita na po ng isang bystander, witness ay sinigawan, agad pong tumakbo yung suspek,” suno kay Trece Martires Police Station Chief Police Lieutenant Colonel Jonathan Asnan.
Makaligad ang isa ka adlaw, nadakpan gilayon ang suspek nga yara sa construction site sang Dasmariñas, Cavite.
Nagapangayo naman sang pasaylo ang suspek sa pamilya may angut sa natabo.
Pahayag naman sang utod sang biktima nga kun mapatawad niya ang suspek, mabalik pa bala ang kabuhi sang iya manghod.
Indi naman makapati ang iloy sang bata sa natabo nga naga-ubra bilang Overseas Filipino Worker sa Saudi Arabia.*
