74-anyos nga lola nga naghaboy sang basura sa suba sa Camarines Norte, nalumos-patay

Nalumos-patay ang 74-anyos nga lola matapos nga gina-alegar nadanlog kag nahulog sa suba samtang nagahaboy sang basura sa Purok 9, Barangay Lorenzo, Sta. Elena, Camarines Norte sang Enero 11, 2023.

Ginkilala ang biktima nga si Cloefe Moises Oliveros, wala na sang bana kag residente sang nasambit nga lugar.

Sandig sa report, takna las 6 sang aga, nakibot ang isa ka tricycle driver kag mga residente sang makit-an nila ang naga utaw-utaw nga bangkay sang biktima sa nasambit nga suba.

Nagaguwa sa imbestigasyon nga ginapatihan nga aksidente nga nahulog ang biktima sa suba matapos ini nga maghaboy sang basura sa suba nga malapit lamang sa ila nga balay.*