Ginpalayag ni Education secretary Leonor Briones sini nga lunes, nga kinahanglan maproteksyonan na ang mga manunudlo sa ti-on nga mag-umpisa ang enrollment, gani sa bulan sang Hunyo, umpisahan na sang gobyerno ang pagpabakuna sa mga manunudlo.
Suno kay Briones, indi na kinahanglan nga magparehistro pa ang mga manunudlo para sa vaccination , bangud may yara na sang listahan sang mga ngalan ang gobyerno.
Isa lamang ang mga grupo sang manunudlo nga nalakip sa A4 priority list , nga sadto yara sa listahan sang B1 category.
Ginpahibalo man sang DEPED secretary, nga wala na nalakip sa magabaton sang COVID vaccine sa Hunyo , ang mga manunudlo nga senior citizens kag mga may co-morbidities, bangud nalakip sila sa mga una nga nakabaton sang bakuna.