Nagapabilin nga mabakod ang panghawid ni sa una nga puwesto sa mga potensyal nga NBA MVP ilabi na nga ginapangunahan sini ang kampanya sang team sa pagkadula ni Jamal Murray bangud sa injury.
Sa report sang NBA website, nagasiling nga nagnubo sang 6 porsyento ang injury rate sang mga humalampang sini nga season kun ipaanggid sang tinalikdan apang, nagakaapektuhan sini sa gihapon ang mga mabakod nga hampang para sa MVP trophy.
Sang sini lamang nga Miyerkoles, anrekord ni Jokic ang iya nga ika-15 triple-double subong nga season nga nagresulta sa pagkadaog sang Nuggets kontra Miami Heat sa score nga 123-116.
Ini ang una nga hampang sang team nga wala si Murray nga naglisensya na nga indi makahampang sini nga season bangud sa ACL injury.
“Jamal Murray’s not coming back. So, we realize that, and other guys have to step up. Tonight, we had a lot of guys who did that,” pahayag ni Denver coach Michael Malone.
Mahimo pa nga mapataas ni Jokic ang tyansa nga makuha ang korona sang MVP kun padayon sini nga mapun-an ang Nuggets sa pagkadula ni Murray ilabi na sa krusyal nga bahin sang regular games.
