Negatibo sa ginpatigayon nga surprise drug test sa Camp Crame sang Biyernes, Setyembre 15 ang 89 ka mga matag-as nga opisyal sang Philippine National Police (PNP).
Base sa report sang Pilipino Star Ngayon, kalakip diri si PNP chief Gen. Benjamin Acorda Jr. kag ini ang kabahin sang ila Command Conference.
Suno kay Acorda nga importante ang drug testing bangud ini ang makapamatuod nga matinlo ang mga kapulisan sa ano man nga iligal nga druga.
Dugang pa ni Acorda nga kinahanglan makita sang publiko ang ila tuyo nga matinluan ang IPNP kag magasugod ini sa ila hanay.
Nag-abot sa command conference ang PNP Command Group, Directorial Staff, Regional Directors, kag National Support Unit Directors.
Ginpatigayon ang drug testing sang Forensic Group agud masiguro ang “accuracy and fairness”. Ang tanan nga nagsumiter sang ila urine specimens kag nag-negatibo sa resulta.*
