Nakit-an ang 28 ka mga warplanes sang China nga nagalupad sa palibot sang Taiwan sini nga semana.
Suno sa defense ministry sang Taiwan nga ang 20 sa mga eroplano ang nakit-an humalin sang Domingo sang aga, Setyembre 17 amo ang nagtabok sa median lane sang kadagatan nga nagatunga sa Taiwan kag mainland China, kag nagsulod sa self-ruled island sa southeast kag southwest air defense identification zone.
Nagapatigayon ang China sang “missions such as long range exercises and training”, pahayag sang defense ministry.
Padayon naman nga ginamonitor ang sitwasyon kaupod ang patrol aircraft kag mga barko.
Madumduman nga sadtong Setyembre 12 tubtob 14, nakit-an man ang 68 ka mga Chinese aircraft kag 10 ka naval vessels sa palibot sang Taiwan.
Ang pila sa mga eroplano ang nagpadulong sa “unspecified area” sa Western Pacific agud magpatigayon sang “joint sea and air training” kaupod ang Shandong aircraft carrier sang China.
Ang Shandong ang isa sa duha ka operational aircraft carriers sa Chinese fleet nga nakit-an sa 110 kilometro nabagatnan-sidlangan sang Taiwan.
Wala pa sang komento ang China angut sa drill nga ginpatigayon sa Western Pacific.*
