Plano sang Malaysian Firm Valiram Group nga magtukod sang Duty-Free Retail Outlets sa mga airports sa Pilipinas sa masunod nga lima ka tuig, suno sa Presidential Communications Office.
Ini ang nadiskusyunan sa ginpatigayon nga pagpakigsapol ni Presidente Ferdinand “Bongbong” Marcos Jr. sa mga opisyal sang Valiram Group ukon isa ka Malaysian retail specialist, sa Singapore.
Suno sa Valiram Group, tuyo nila nga pabaskugon ang operasyon sa Pilipinas pinaagi sang pagtukod sang mas madamo pa nga walk-through stores agud makahatag sang manami nga shopping experience sa mga customer.
Dugang pa sang Valiram Group nga may yara sila sang 500 stores rason nga luyag nila magtukod sang nasambit nga retail outlets sa Pilipinas agud ibugal ang produkto nga himo sang mga Pinoy.*
