Ginakabig nga ‘person with disability’ apang wala nagapaulihi sa abilidad sa paglangoy ang 9-anyos nga si Zach Lucas Obsioma sang Cadiz City, Negros Occidental.
Ginpamatud-an ini ni Obsioma sa Palarong Pambansa 2023 kun diin nagdaug ini sang tatlo ka gold medals sa Para Swimming.
Apisar sang kasablagan, naangkon sang manug-10 anyos nga si Luke ang gold medals sa backstroke, breast stroke, kag freestyle events sa Orthopedically Handicapped-S4 Boys Category.
Madumduman nga nagdaug man sang tatlo ka gold medals si Obsioma sa ginhiwat nga Western Visayas Regional Athletic Association (WVRAA) Meet sa Aklan sang Mayo.
Madinalag-on kag nagatutom man sa pag-eskwela si Obsioma nga nagbunga sa pagbaton sini sang Sports Award kag Academic Excellence Award nga ‘With Honors’ pa sa pagtapos sini sa Grade 4 sang tinalikdan nga Hulyo.
Ginapabugal si Obsioma sang iya iloy, pamilya, kag mga abyan nga yara pirme sa iya likod kag nagasuporta.
Congratulations, Luke! Bugal ka sang Cadiz kag Negros!
