Patay ang isa ka calf ukon gamay nga karabaw matapos mabungguan sang sport utility vehicle (SUV) sa Brgy. Moguing, banwa sang Burauen, probinsya sang Leyte.
Base sa post sang Burauen Municipal Agriculture Office, indi na makatindog, nagkiwi ang apipingig, malapit na makakas ang sungay, kag malubha ang mga pilas sa ulo sang nasambit nga karabaw nga gintunaan sang iya kamatayon.
Yara naman sa maayo nga kahimtangan ang isa pa ka karabaw matapos gin-usisa ni Dr. Analou Detablan, veterinarian sang Municipal Agriculture Office.
Samtang pilason man ang isa ka 48-anyos nga babayi nga nagasakay sa karo sang karabaw sang magluntad ang aksidente pasado las singko sang kaagahon sang Lunes, Agosto 7, 2023.
Gilayon nga ginrespondehan sang rescuers kag gindala ang babayi sa pinakamalapit nga ospital para sa nagakaigo nga pagbulong.
Ginpakigbahin naman sang netizens ang ila pagkabalaka para sa karabaw.
“Treatment for the carabao? Sana may nag first aid for the poor carabao 😭😭😭,” komento sang isa ka netizen.
“I believe that there are two victims here, the 48 years old woman and the carabao. I hope you guys did your job by not just responding to the woman but also to the poor carabao,” dugang sang isa pa.
