Most wanted person sa kaso nga murder dakop sa Ilog

ILOG, NEGROS OCCIDENTAL– Pinaagi sa warrant of arrest nga ginserbe sang Ilog Police Station, gin-aresto ang isa ka mangunguma nga most wanted person sa Sitio Tugas, Barangay Pinggot, Ilog, Negros Occidental sa kaso nga murder sang Agosto 7.

Ginkilala ang akusado kay Alenjun Fica alyas “Tata Pica”, 35-anyos, may asawa, residente sang nasambit nga lugar.

Gin-isyu naman ni Judge Rodney Magbanua sang Kabankalan City Regional Trial Court Branch 61 ang nasambit nga warrant of arrest kag wala ini sang ginrekomendar nga piyansa.

Nakahunong sa karon si Fica sa Ilog Police Station.*