CALATRAVA, NEGROS OCCIDENTAL– Nagresulta sa engkwentro ang natabo kaina sang aga, Agosto 9 sa Sitio Icogan, Barangay Minapasok, Calatrava, Negros Occidental.
Magaserbe lamang kuntani sang warrant of arrest sa kaso nga murder ang mga kapulisan sa ila nanday Darry Dayawan, Charity Amacan kag iban pa nga miyembro sang CTG.
Apang wala ginalauman sang mga kapulisan nga may magluntad nga engkwentro sa nasambit nga lugar.
Matapos sang engkwentro, patay si Police Corporal Jamie Nuñez samtang pilason naman sanday Police Corporal Dennis Nasis kag Police Captain Jesus Alba.
Gin-isyu naman ang nasambit nga warrant of arrest ni Judge Arville Guyod Delgado sang San Carlos City RTC Branch 57 sadtong Nobyembre 22, 2020 kay Amacan kag sadtong Pebrero 18, 2022 naman ang kay Dayawan.*
