Ginpahayag ni Bacolod City Legal Officer Atty. Romeo Carlos Ting Jr. nga may yara sang 9 ka mga establisyemento sa Barangay Mansilingan, Bacolod City ang pagasirad-an sang siudad bangud wala sila gihapon nakakuha sang business permit apisar nga gindagdagan na ang mga ini sang ikaduha nga notice.
Suno pa kay Ting nga kalabanan sa mga nasambit nga business ang mga restaurant kag ang iban sa ila ang bag-o lamang nag-operate.
Dugang pa niya nga malawig na ang tsansa nga ginhatag sa ila kag wala sila sa gihapon nagkuha sang business permits.
Isa naman sa mga posibilidad nga mabuksan ang ila mga estabilsyemento kag maka-operate liwat amo ang pagkuha nila sang ila nga business permits.
Dugang pa ni Atty. Ting nga padayon sa gihapon ang pag-inspeksyon sang Business Permit and Licensing Office (BPLO) sa mga establisyemento nga wala sang business permit ukon may mga peke nga permits.*
