Gindeklarar nga “Diving Capital of the Philippines” ang Puerto Galera sa Oriental Mindoro.
Ini ang matapos magsumiter sang isa ka resolusyon ang mga miembro sang council sang nasambit nga lugar bangud sa nagkalain-lain nga marine life sang Puerto Galera.
Pormal nga ginlunsar nga diving capital sang Puerto Galera samtang ginapatigayon sang lokal nga pamahalaan sang Puerto Galera ang programa nga “Puerto Galera Shore It Up-Scubasura Underwater Clean Up”.
Kun sa diin ang mga divers ang nag-dive sa idalom sang tubig agud tinluan ang mga basura nga makaguba sa manami nga coral formation sang Puerto Galera.
Ang Puerto Galera ang ginkilala bilang ‘Man and Biosphere reserve’ sadtong 1977 sang United Nations Educational, Scientific and Cultural Organization (UNESCO) bangud sa madamo sini nga pocket beaches kag halos 62 na ang nakarehistro nga scuba diving spots.
Magluwas diri, kabahin man sang “Club of the Most Beautiful Bays of the World” ang Puerto Galera, bilang pinakamanami nga baybayon nga makita sa Pilipinas.*
