Senator Raffy Tulfo, nangin guest ni Mayor Albee Benitez sa isa ka episode sang radio program nga “Isugid kay Mayor”

Nangin guest ni Mayor Albee Benitez si Senator Raffy Tulfo sa isa ka episode sang radio program nga “Isugid kay Mayor” subong nga udto sang Domingo, Oktubre 15, 2023.

Ila gin-istoryahan ang mga kinamatarong sang mga tagreklamo sa nasambit nga programa ni Mayor Benitez.

Ginpakigbahin naman ni Sen. Tulfo ang mga tikang kun paano maprotektahan ang mga tagreklamo batuk sa ila ginareklamo nga persona.

Samtang, ginpahayag naman ni Sen. Tulfo nga luyag niya tilawan ang sikat nga chicken inasal sang Bacolod kag magbakal sang sikat nga piaya bilang pasalubong sa iya mga himata sa Maynila.

Ini nga programa ang kabahin sang selebrasyon sang Masskara Festival 2023.*