Pacman Magapatigayon sang Exhibition Match Para sa mga Apektado sang Kinagamo sa Ukraine kag Russia

Isa ka charity event ang ipatigayon nga exhibition match sa tunga ni Filipino boxing icon Manny Pacquiao kag South Korean martial artist kag YouTuber nga si DK Yoo.

Para ini sa mga pamilya nga naapektuhan sang nagapadayon nga giyera sa tunga sang Ukraine kag Russia.

Ipatigayon ang engkwentro sa bulan sang Disyembre sa Seoul, South Korea.

Suno kay Pacman, mas madamu pa nga exhibition match ang iya ipatigayon, agud nga makabulig sa mga nagakinahanglan.

Ginpalayag sang Pinoy champ, nga handum niya nga makaangkon sang puluy-an ang tagsa ka pigado nga pamilya.

Nagretiro si Pacquaio sang tuig 2021, matapos nga nalutos kay Yordenis Ugas.

Kasunod sini, naghanda na ang boksingero para sa 2022 presidential election.*

by: Sunshine Lacson