Kontrebersyal subong sa pungsod India ang istorya sang isa ka babayi nga gin-organisar ang kasal sang iya bana kag kirida sini.
Ginpahayag ni Vimala, isa ka sikat nga Youtuber sa nasambit nga pungsod nga nangin masadya naman ang pag-updanay nila sang iya bana nga si Kaylan sumugod sadto sang sila ang ginkasal.
Nagbag-o ang tanan sang natukiban niya nga may kirida ukon karelasyon ang iya bana sa isa man ka vlogger nga si Nitya Sree.
Imbes nga mangakig, nagpasugot si Vimala sa luyag sang iya bana nga magpakasal ini sa iya nga kirida kag magtinir sila sa isa lang ka balay.
Luwas sa pagpa-reserve sang templo kag venue, si Vimala man ang nag-organisar sa catering, bayo nga pagasuksukon sang bride kag sa iban pa nga kinahanglanon para sa nasambit nga seremonya.
Madasig naman nga naglapta ang pinasahi nga istorya sang mag-asawa sa ila nga komunidad.