Nagapangatubang sang dismissal sa serbisyo ang isa ka pulis halin sa Negros Occidental Police Provincial Office matapos gin-alegar nga nagpositibo sa pag-usar sang iligal nga droga.
![](https://i0.wp.com/radyobandera.com/wp-content/uploads/2021/03/b4.jpg?resize=696%2C570&ssl=1)
Suno kay Police General Debold Sinas, tagpamuno sang Philippine National Police nga si Patrolman Nicolas Martinez ang sa karon restricted sa quarters samtang nagapaidalum sang pre-charge investigation kag summary dismissal proceedings sa sulod sang 60 ka adlaw.
Si Martines kag 53 ka iban pa nga pulis ang gin-subject sa random drug testing sang Regional Crime Laboratory Office-6 sang Marso 16 kag 18, 2021.
Ang 53 ang negatibo ang resulta, samtang ang urine specimen ni Martinez ang kumpirmado nga may traces sang methamphetamine ukon shabu.