Pickup Nga Nakapark sa Isa Ka Mall sa Mandalagan, Nasunog

Nasunog ang isa ka pickup truck nga naka-park sa parking area sang Robinson’s Place Mandalagan, syudad sang Bacolod, sini lang nga hapon, Marso 4, 2022.

Sandig sa inisyal nga impormasyon, may nakakita nga isa ka personnel sang mall nga nagakalayo na ang salakyan.

Ang nasambit nga salakyan amo ang Nissan pickup, 1989 model.

Nakibot ang tag-iya sang salakyan matapos makit-an nga nasunog ini.

May sugaton lang kuntani ang tag-iya nga himata halin sa Manila kag naghulat sa mall.

Nagresponde ang mga katapo sang Bacolod Bureau of Fire Protection kag tigayon man nga napalong ang kalayo.*