Kapin 10k Ka Mga Bakuna Para sa 5-11 Anyos, Gin-Request sang Bacolod

Suno kay Doctor Edwin Miraflor, officer-in-charge sang Bacolod City Health Office, nag-request ang Bacolod City sang kapin 10,000 ka mga bakuna para sa kabataan nga naga edad 5-11 anyos.

Apang suno kay Miraflor, tubtob sa karon wala pa sang petsa kun san-o maga-abot ang mga bakuna para sa mga kabataan.

Posible suno sa iya nga sa 2nd quarter sang sini nga tuig maga-abot ang mga vaccines.

Masobra sa 5,000 ka mga kabataan sa syudad ang nabakunahan na sang tinalikdan nga bulan paagi sa pediatric vaccination, suno kay Miraflor.*

by Aileen Pedreso