Ginpahayag ni anay defense secretary Gilberto “Gibo” Teodoro Jr. nga kinahanglan nga padayunon ang pagpasanyog sang kapasidad sang Armed Forces of the Philippines agud makahimo sang mas mabakod nga pangpugong sang kinagamo.
Kung may mabakod nga kapasidad ang AFP, sila ang madali nga maka-assist sa mga humanitarian assistance kag disaster response, suno kay Gibo.
Sa patag sang internal security, suno kay senatorial candidate Gibo Teodoro, kinahanglan nga i-restructure ang Philippine National Police, kag dapat man nga lantawon kag bag-uhon ang pila ka mga operational tasks kag functions sang organisasyon.
May mga layi man nga kinahanglan amendahan agud mapabakud ang kapasidad sang PNP kag maduso ang “accountability” kag “discipline standards” sa hanay sang kapulisan.*
