Bacolod City, Negros Occidental-Sa live report sang Radyo Bandera North Negros Patrol Team ginpalayag ang mga nakuha nga impormasyon angot sa mga record ni Zara Alvarez.
Si Alvarez ang ginpasakaan sang kaso nga murder angot sa kamatayon sang isa ka army nga si Lt. Archie Fulgencio sadtong Marso 7 tuig 2010.
Sang ara ini sa BJMP, isa na naman ka kaso ang ginpasaka sa iya nga imbolbado ini sa pagpangawat nga natabo sa Barangay Bulanon, Sagay City.
Sadtong tuig 2004, mainit ini sa mata sang gobyerno kag mga security forces bangod sa gina-alegar terorista ini kag miyebro sang CPP NPA.
Tuig 2008, siya ang gindeklarar nga persona non grata sa Guihulngan bangod sa ginapatihan imbolbado ini sa kamatayon sang isa ka opisyal sang Philippine Army nga natabo sa syudad sang Cadiz.
Sadtong Oktubre 30 tuig 2012, siya ang ginpusasan kag gin-aresto sang mga kapulisan kag katapo sang militar sang 62nd infantry battalion bangod sa kaso nga murder.
Sadtong Hulyo 2014, siya ang nakapayansa kag nakaguwa sa prisohan.
Kag sadtong Marso tuig 2020, na dismissed ang kaso sini nga murder.
