Nag-viral ang video nga kuha sang isa ka netizen kun sa diin makita ang isa ka amay nga wala na sang kabuhi samtang nagasandig ini sa grills sang bike lane.
Suno sa nagkuha sang video, na-agyan nila ang lalaki nga nagayuko na lamang kag wala na ini nagagiho, rason nga ginpalapitan nila ini agud usisaon.
Apang nakibot ang mga ini sang wala na sang kabuhi ang lalaki kag gina-alegar nga gin-atake ini sa kurason.
Gilayon naman nga nagtawag sang bulig ang mga netizen agud madala ang lalaki sa ospital kag makasiguro man sa kun ano ang gintunaan sang kamatayon sini.
Gin-post naman sang mga netizen ang video sini sa Facebook agud mahibaluan ang ‘identity’ sang nasambit nga lalaki kag kun sin-o ang nakakilala diri.
Makaligad ang pila ka oras, may nagkomento nga isa ka himata sang nasambit nga lalaki kag didto nahibaluan nga magapadulong ini kuntani sa iya ulubrahan kag sang kaagahon pa ini naghalin sa ila nga balay.*
