NUEVA VIZCAYA – Patay ang mag-aswa nga senior citizen matapos sila ginlabo-labo sang ila kaugalingon nga anak nga ginapatihan ginsudlan sang malain nga espiritu sa sulod sang ila puluy-an sa Barangay Pampang, Kayapa , Nueva Vizcaya takna alas 3:00 sang kaagahon sang Biyernes, Hulyo 15.
Ginkilala ang mga biktima nga sanday Ruben Baltazar, 68-anyos nga isa ka mangunguma kag Nora, 65-anyos.
Ginkilala naman ang supek kay Iryb Baltazar, 28-anyos nag residente man sang nasambit nga barangay.
Base sa imbestigasyon, nagatulog ang mag-asawa sa ila salas kaupod si Iryb sang hinali nga ginlabo-labo sila sini kag ginlabo niya man ang iya utod nga si Shayra nga nakapangayo pa sang bulig sa ila tiya.
Dead-on-arrival naman ang mag-asawa bangud naka-agum ini sang madamo nga pilas sa ila lawas apang sa karun, ginabulong naman si Shayra sa ospital nga naka-agum sang pilas sa iya agtang kag butkon.
Ginapatihan nga ang suspek ang nadulaan sang iya normal nga paminsaron rason nga nahimo niya patyon ang iya kaugalingon nga ginikanan apang nagsungka na ini sa mga kapulisan nga naga-atubang sa kaso nga parricide kag frustated homicide.
