Anay Police General, Gin-assign ni Marcos Bilang Director-General Sang National Intelligence Coordinating Agency

Isa sa mangin miyembro sang Gabinete sang administrasyon ni Marcos amo si anay retired Philippine National Police Deputy Director General Ricardo de Leon.

Si De Leon, ang presidente sang Philippine Public Safety College, nga naga-uyat sa pag-trained sa mga police officer cadets, police rookies, fire kag jail personnel, ang gin-assign ni President-elect Ferdinand “Bongbong” Marcos Jr. bilang incoming director-general sang National Intelligence Coordinating Agency (NICA).

Miyembro man si De Leon sang Philippine Military Academy (PMA) Matatag Class of 1971.

Nagaserbe ang NICA bilang secretariat sa Anti-Terrorism Council sang bansa kag isa ka cluster sang anti-insurgency task force.