Sunday, January 29, 2023

“ANG IBAN NGA LUGAR GA PANGITA SANG BAKUNA WALA NA BAKUNA.” -LEONARDIA

- Advertisement -

Ginsiling ni Bacolod City Mayor Evelio Leonardia nga nangayo sa iya sang contact number ang League of Provinces agud makapakig-angut sa AstraZeneca apang indi na maka kumiter ang pharmaceutical company nga maka deliver pa sila sang mga vaccines.Suno kay Leonardia, isa ang Bacolod sa 24 ka mga local government units nga naka advance purchase sa AstraZeneca kag ang siudad ang yara sa stable position nga maka acquire sang mga bakuna.

“Ang irony nga matabo, kon indi ta makumbinser ang mga pumulyo nga magpabakuna, ang iban nga lugar gapangita bakuna, kita ya ara ang bakuna, wala sang may mapabakuna kag indi na dapat matabo,” Pahayag ni Leonardia.

Bangud sini ginahingyo sang alkalde ang bulig sang mga katapo sang media sa ginapatigayon nga information education campaign.

- Advertisement -

Suno man sa alkalde nga kun ma-edukar ang mga pumuluyo sang insakto nga impormayon posible magliwat ang ila panan-awan sa bakuna kag ang iban naga-’wait and see’ lamang kun ano ang resulta kag kun makita nila nga maayo man ang epekto sini madinaguso na lamang ang mga ini nga magpa-bakuna.

Wala pa man sang impormasyon ang alkalde kun may maabot nga bakuna sa siudad gikan sa Sinovac kag ini ang nakadepende na sa national goverment.

Tuyo sang Bacolod nga mabakunahan ang 424,992 ka mga pumuluyo ukon 68% sang 624,987 nga kabuligan nga populasyon sang siudad bangud ang nabilin ang naga edad 18 anyos panubo kag ang iban ang wala malakip bilang prayoridad nga mabakunahan.

Ginalauman nga mag-inabot ang 650,000 doses sang vaccines gikan sa AstraZeneca sa 3rd quarter sini nga tuig, apang may kulang nga 199,984 doses para mabakunahan ang 68% sang populasyon.

Posible man suno sa alkalde nga ang kulang para sa 99,992 ka mga residente ang magahalin sa national govenrment ukon posible man nga magdugang nalang bakal sa AstraZeneca.

Nag advance payment na man ang Bacolod sang P31million sa AstraZeneca nga kabahin sang ginpain nga P300 million, bilang budget sa pagbakal sang mga bakuna.

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

- Advertisement -

Latest Articles