Nag-positibo sa COVID-19 ang tatlo ka health care workers ukon HCWs kag isa ka hospital staff nga damlag pa na bakunahan na sang Sinovac vaccine.
Suno sa kay Dr. Chris Sorongon, deputy medical sang Emergency Operations Center Task Force nga ang duha ka HCWs ang nag gikan sa Corazon Locsin Montelibano Memorial Regional Hospital kag ang ang isa naman ang naghalin sa Dr. Pablo O. Torre Memorial Hospital (Riverside Medical Center).
Indi naman matumod ni Sorongon kun sa diin nga hospital naga duty ang isa pa ka hospital staff nga nag positibo sa COVID-19.
Dugang pa ni Sorongon nga posible sa sagwa sang hospital nalatnan ang apat ka mga medical frontliners.
Ginsiling naman ni EOC executive director kag city administrator Em Ang nga indi dapt mangin kampante ang mga nabakunahan na sang COVID-19 vaccine bangud bisan ang mga manufacturer ang naga siling nga posible sila sa gihapon ma latnan rason nga dapat mag obserbar gid sang basic health protocols.
Paathag man ni Ang nga dapat man matapos anay ang second dose sang bakuna para ma angkon ang “full effect” sang mga bakuna apang sa kaso sang sining apat, first dose pa lang sang Sinovac vaccine ang nabaton nila.*
