Ginklaro ni Cindy Ferrer, spokesperson sang Regional Inter-Agency Task Force (RIATF) nga WALA sang lockdown sa Western Visayas.
Sa baylo, gin-sunod lamang sang RIATF ang natukod nga Resolution No. 104 sang National Inter Agency Task Force nga nagapaidalom sa Metro Manila, Bulacan, Cavite, Laguna kag Rizal sa General Community Quarantine.
Nakasaad man sa amo nga resolution nga sugod Marso 23, 2021 tubtob Abril 4, ang mga ‘essential travelers’ lamang gikan sa nasambit nga mga lugar ang makabyahe pag-gwa kag pasulod sa Western Visayas.
Nalakip sa mga ginakabig essential travelers amo ang Health and Emergency Frontline Services, Government Officials and Government Frontline Personnel, duly authorized humanitarian assistance actors, persons travelling for medical or humanitarian reasons, mga pasahero nga pakadto sa airport para mag-abroad, anyone crossing zones for work or business and going back home kag mga Returning Overseas Filipinos and OFWs.
Base man sa advisory sang RIATF gina-dumilian ang mga Returning residents sang Western Visayas nga gikan sa Bulacan, Cavite, Laguna, Rizal kag National Capital Region (NCR) nga mag sulod sa Western Visayas pati na ang mga travelers nga ang purpose ang mag-lagaw kag mag bakasyon lamang.
Ang mandu ang gina-abi abi naman sang mga lokal nga opisyales sa Region VI ilabi na nga makabulig ini sa pagpahagan-hagan sang pagsaka sang active cases sang covid 19 sa ila nasakpan.*
