Ang nagasanyug nga sugarcane kag palay intercropping sa probinsya sang Negros Occidental isa lang sa mga nagpabilib kay anay agriculture secretary Manny Piñol nga karon chairman sang Mindanao Development Authority.
Gani pinaagi sa isa ka memorandum of technical cooperation nagsugilanon siya kay Negros Occidental Governor Eugenio Jose Lacson sa tuyo nga mapalapnag man sa Mindanao ang amo nga farming technology.
Upod man diri ang pag-gamit sang ram pump technology agud mapalambo pa ang agrikultura para sa ginahandum nga self-sufficiency sa food production sa Mindanao.
Suno kay Piñol, dako nga bagay ang pag-adopt sang farming technique halin sa Negros Occidental ilabi na karon nga may pandemya.
“We cannot rely on import food always. We really have to produce our own food. We cannot rely on other countries for our food supply because it’s totally unwise,” pahayag ni Piñol.
Ang MDA ang nakahanda man nga ipalab-ot sa mga Negrense ang cattle-livestock program, ang coco pandan farming kag silage making.*
Photo courtesy of Manny Piñol
